Дәрілік заттарды және медициналық мақсаттағы бұйымдарды жеткізушілер электрондық сатып алу порталын жетілдіруді талап етеді
Қазақстанда биылғы жылдың 1 қаңтарынан бастап барлық медициналық ұйымдар Med.ecc.kz жаңа веб-порталы арқылы сатып алуды жүзеге асырады.
Енді қағаз сатып алу процедурасы толығымен алынып тасталды. Дегенмен, жеткізушілер веб-порталды пайдаланудағы қиындықтар туралы айтуда.
Мәселен, баға ұсынысы әдісімен сатып алу кезінде ОТӨ-ден қолдау көрсетілмейді. Бұл Медициналық көмек/міндетті медициналық сақтандыру мемлекеттік қоры шеңберінде дәрілік заттар мен медициналық бұйымдарды сатып алу ережесіне қайшы келеді. Басқарушы директор – Медициналық қызмет департаментінің директоры Назгүл Қабдрахманова атап өткендей, қолданыстағы тәжірибе мен ережелер арасындағы сәйкессіздіктер ОТӨ құқықтарының ықтимал бұзылуын көрсетеді.
«Құжаттардың қоса берілгеніне қарамастан, жүйе баға ұсыныстарын сұрату арқылы сатып алу нәтижелерін өткізу кезінде ОТӨ мәртебесін растауды есепке алмайды», - деп шағымданады кәсіпкерлер.
Сонымен қатар, порталда көптеген кемшіліктер бар, мысалы: жеребе бойынша іздеу мүмкіндігінің жоқтығы, нормативтік құқықтық актілерге сәйкес жеткізілген тауарға төлем шарттарын өзгерту мүмкіндігі, жеткізу кестесін нақтылау және т.б.
Қазақстандық ұлттық дәрілік формулярға, Бірыңғай дистрибьютор тізбесіне енбеген, сондай-ақ, Қазақстан Республикасында тіркелмеген өмірлік маңызы бар препараттарды (пациенттерге арналған мақсатты препараттар) сатып алу мүмкіндігі жоқ. Бұл мәселе онкологиялық ауруларды, орфандық ауруларды және басқа да әлеуметтік маңызы бар ауруларды емдеуде қолданылатын қымбат дәрілерге қатысты деп мәлімдеді Қазақстанның халықаралық фармацевтикалық өндірушілер Қауымдастығы.
Талқылау барысында «Электрондық қаржыландыру орталығы» АҚ өкілдері порталды қаржыландыру және Денсаулық сақтау министрлігінің порталды жаңарту туралы өтініші бойынша жетілдіруге болатынын жеткізді.
Отырыс қорытындысы бойынша бизнес-қоғамдастық Денсаулық сақтау министрлігі басшылығының алдына фармацевтикалық өнімдерді қағаз жеткізгіште сатып алуды веб-портал пысықталғанша электронды сатып алумен қатар қайта бастау қажеттігі туралы мәселе қоюды ұсынды.
Ұлттық кәсіпкерлер палатасы Денсаулық сақтау министрлігінің басшылығымен фармацевтикалық және медициналық қауымдастықтың проблемалық мәселелері және медициналық ұйымдарға арналған веб-порталды жетілдіру қажеттігі, сондай-ақ, сатып алу процесін реттейтін нормативтік құқықтық актілерге енгізілген өзгерістер бойынша кеңес өткізуді жоспарлап отыр.
Пікір қалдыру:
Пікірлер: