«Атамекен» ҚР ҰКП Төралқасының АӨК Комитеті 2026 жылға арналған жұмыс жоспарын бекітті
2026 жылғы 22 қаңтарда «Атамекен» ҰКП Агроөнеркәсіптік кешен Комитетінің отырысы өтті. Отырыс барысында саланың негізгі мәселелері және Комитеттің одан әрі жұмысы қаралды.
Күн тәртібіндегі бірінші мәселе «Атамекен» ҰКП Төралқасы АӨК Комитетінің төрағасын қайта сайлау болды.
Дауыс беру қорытындысы бойынша Комитет төрағасы болып Нұрбаев Ержан Ақтанұлы сайланды. Ол бұл лауазымға Дайрабаев Жигули Молдақалықұлын ауыстырды.
Дайрабаев Комитет мүшелеріне бірлескен жұмысы үшін алғысын білдіріп, өткен кезеңде саланың бірқатар маңызды мәселелерін пысықтап, бизнес пен мемлекеттік органдар арасында диалог құруға қол жеткізілгенін атап өтті.
Айта кету керек, Ержан Нұрбаев АӨК саласында 30 жылдан астам жұмыс істейді. Қызметінің барлық кезеңінде ол ШҚО әкімінің орынбасары қызметін қоса алғанда, мемлекеттік басқару жүйесінде басшылық лауазымдарды атқарды.
Жиын барысында Ет одағының басшысы Мақсұт Бақтыбаев Комитет жұмысын жандандыру қажеттігін жеткізді.
«Қазіргі жағдайда жиі жиналып, саланың негізгі мәселелерін үнемі талқылау қажет», - деді Бақтыбаев.
(1).jpeg)
Күн тәртібіндегі екінші мәселе Комитеттің 2026 жылға арналған жұмыс жоспарын бекіту болды. Комитет мүшелері ауыл шаруашылығы өнімдерінің экспортын дамытуға, бәсекеге қабілеттілігін арттыруға және АӨК субъектілерінің мүдделерін қорғауға ерекше назар аударылған ұсынылған жоспарды бірауыздан қолдады.
Отырыс соңында қатысушылар Комитет отырыстарын тұрақты негізде өткізу ұсынысын қолдап, өзара іс-қимылды күшейтіп, саланың өзекті мәселелерін талқылауға келісті.
Пікір қалдыру:
Пікірлер: