Павлодар облысында Ashyq жобасының 24 лидері анықталды
Жоба лидерлерінің саны артып келеді, бұл өңірде Ashyq қосымшасының кәсіпкерлік субъектілері арасында белсенді қолданыс тапқанын көрсетеді.
Павлодар облысы Кәсіпкерлер палатасының директоры Серік Сәдуақасов мәліметтерді 2 апталық жүктеп алу нәтижесі бойынша келушілерді тіркеу бойынша нәтижеге жеткен жоба лидерлері, сондай-ақ аутсайдерлер анықталатынын айтты.
«11-25 шілде аралығында жүргізілген мәліметтерді жүктеп алу нәтижесінде жобаның лидерлері мен аутсайдерлері анықталды. Қазіргі кезде 24 қатысушы Ashyq жобасының лидерлері атанды. Алғашқы мәлімттер бойынша олардың саны 13 нысан, екінші жүктеуде – 16 нысан, үшінші жүктеуде – 21 нысан болды. Ashyq жобасының талаптарын қатаң орындаушылар саны артып, тіркеу (check-in) саны нөлдік көрсеткіштегі аутсайдерлер саны қысқарды. Деректерді алғашқы жүктеу нәтижесінде 26 қатысушы жобадан шығарылды, екінші жүктеуде – 14 қатысушы, үшіншісінде 11 қатысушы шығарылды», – деді Серік Сәдуақасов.
«Ashyq» лидері» статусы 2 аптаға беріледі.
«Ashyq» лидерлері» статусы берілген жобаға қатысушылардың тізімі облыс әкімдігінің сайтында жарияланады. Ал Ashyq жобасының аутсайдерлерімен мониторинг топтардың мүшелері түсіндіру жұмыстарын жүргізеді.
Серік Сәдуақасов Қазақстан Республикасының Бас санитар дәрігердің №33 қаулысына сәйкес «Ashyq» лидерлері» статусын берудің белгілі бір критерийлері барын атап өтті.
Мәселен, облыстық маңызы бар қалаларда қоғамдық тамақтану нысандары, караоке, компьютерлік клубтар, лотерея клубтары, спорт кешендері, сауналар, фитнес-орталықтар, бассейндер, театрлар, филармониялар, концерт залдары, кинотеатрлар, көрмелер, туристік тасымалдау, океанариум, балалар ойын-сауық орталықтары (жабық), цирктер Ashyq лидерлігін алу үшін 2 апта ішінде 1000-нан аса тіркеу, аудан орталықтары және басқа да елді мекендердегі осы нысандар 500-ден астам тіркеу жүргізуі керек.
Ал облыс орталықтары және облыстық маңызы бар қалалардағы бильярд және боулинг клубтары, СПА-орталықтар, қонақ үйлер, қонақ 2 аптада 500-ден астам тіркеу жүргізген кезде, аудан орталықтары мен басқа елді мекендердегі осы нысандар 150-ден астам тіркеу жүргізген кезде Ashyq лидердері қатарына кіре алады. Ал қалалардағы сауда ойын-сауық орталықтары, сауда үйлері, сауда желілері (азық-түліктік емес), базарлар 2 аптада 25 000-ден астам тіркеу, аудан орталықтары және басқа да елді мекендердегі осы нысандар 10 000-нан астам тіркеу жүргізуі тиіс.
Жобаға қосылуға қатысты барлық ақпаратты Павлодар облысының Кәсіпкерлер палатасына және оның моноқалалар мен аудандардағы филиалдарына жүгіну арқылы ала алады. ӨКП байланыс орталығы: 8/7182/ 66 03 11 ішкі:5502, 5510, ұялы: 8 771 173 43 42, 8 777 317 99 99
Пікір қалдыру:
Пікірлер: