Нұр-Сұлтанда Президенттің «Алтын сапа» 15-ші мерейтойлық сыйлығын марапаттау салтанаты өтіп жатыр
Қазір елордада Қазақстан Республикасы Президентінің кәсіпкерлерге сапа саласындағы «Алтын сапа» наградасы табысталып жатыр.
15 жыл ішінде конкурсты ұйымдастырушылар 2,5 мыңға жуық өтінім қабылдады, 140-тан аса кәсіпорын саласында үздік деп танылды. 2021 жылы 160 кәсіпорын байқауға қатысуға өтінім беріп, оқыту семинарынан өтті.
Сыйлық «Өндірістік мақсаттағы үздік кәсіпорын», «Халыққа арналған тауарлар шығаратын үздік кәсіпорын», «Қызмет көрсететін үздік кәсіпорын» және «Азық-түлік тауарларын және ауыл шаруашылығы өнімдерін шығаратын үздік кәсіпорын» деген 4 аталым бойынша беріледі.
2006 жылы Елбасы Нұрсұлтан Назарбаев сапа саласындағы жетістіктері үшін алғашқы сыйлықтарды тапсырды, ал «Алтын сапа» жылдың басты оқиғасы болды. Өндірістік мақсаттағы үздік кәсіпорындар: «Қазақмыс» корпорациясының «Балқаштүстімет» ӨБ және «Ақтау шыны талшықты құбырлар зауыты» ЖШС аталды. Халыққа арналған тауарлар шығаратын үздік кәсіпорын номинациясында «Эл Джи Электроникс Алматы Қазақстан» АҚ және шағын және орта бизнес өкілі ретінде «Беккер и К» ЖШС жеңіске жетті. әл-Фараби» атындағы Қазақ ұлттық университеті қызмет көрсететін үздік кәсіпорын номинациясы бойынша жалғыз жеңімпаз атанды.
4 жыл бойы сыйлық: «Өндірістік мақсаттағы үздік кәсіпорын», «Халыққа тауар шығаратын үздік кәсіпорын» және «Қызмет көрсететін үздік кәсіпорын» деген 3 аталым бойынша берілді. 2010 жылдан бастап Елбасы Нұрсұлтан Назарбаев, енді ел президенті Қасым-Жомарт Тоқаев индустриялық серпіліс, инновациялық серпіліс санаттарында «Алтын сапа» арнайы сыйлығын табыстайды. Алғашқы атақтарды индустриялық серпіліс ретінде «Өскемен титан-магний комбинаты» АҚ, инновациялар көшбасшысы номинациясын «Васильков тау-кен байыту комбинаты» АҚ (Altyntau Resources) алды.
2016 жылы «Атамекен» ҰКП конкурсты ұйымдастырушы деп жарияланды. Дәл осы жылы тағы бір номинация – «Азық-түлік тауарларын және ауыл шаруашылығы өнімдерін шығаратын үздік кәсіпорын» пайда болды. Оның алғашқы жеңімпазы «Ордабасы Құс» ЖШС аталды.
Марапаттау рәсімі барысында «Ұлы дала елі», «Іскер», «Іскерлік кемелдік» байқауларының марапаттары және «Парыз» сыйлығы табыс етіледі.
Пікір қалдыру:
Пікірлер: